Өңірде еліміздегі жетекші бейінді жоғары оқу орындарының бірі - Күләш Байсейітова атындағы Қазақ ұлттық өнер университетінің филиалы жұмысын бастады. Бұл - Қазақстанның солтүстік өңірлерінде ашылған осы бағыттағы алғашқы әрі жалғыз филиал.
Жаңа филиалда еліміздің 15 облысынан, сондай-ақ Астана, Петропавл және Шымкент қалаларынан келген 97 студент білім алмақ.
Алғашқы кезеңде оқу үдерісі М. Қозыбаев атындағы Солтүстік Қазақстан университетінің базасында ұйымдастырылады. Білім беру ісіне жергілікті педагогтермен қатар Қазақ ұлттық өнер университетінің оқытушылары да тартылады.
2027 жылы 600 орындық жеке оқу корпусы мен 250 орындық концерт залының құрылысын бастау жоспарланып отыр. Жаңа филиал Солтүстік Қазақстанның заманауи білім беру және мәдени кеңістігінің маңызды бөлігіне айналмақ.