Неге жақсылық үнемі жамандықтан жеңіледі? Адам баласы жарық дүние есігін ашпай жатып маңдайына жазылған тағдырына көне ме? Иә, жаныңа маза бермейтін жауапсыз мыңдаған сұрақ жатыр. Ізгіліктің артынан қанша қусаң да қай жерден бүлініп, қай жерден сүрінеріңді білмейсің. Өзекті өртеген барлық сұрақтың жауабын таба алмасақ та, біз Сая Қасымбектің «Қол» пьесасымен жұмыс істеп, адам баласы туғаннан бастап қандай нұсқаумен өмір сүретінін өзімізше зерттеп көрдік. Сол зерттеулерді халық назарына ұсынғымыз келеді.